སྲོག་ཆགས&རྩི་ཤིང་།

ཚེ་སྲོག་ཚན་རིག་ནི་ཚེ་སྲོག་གི་ཁྱད་ཆོས་དང་འབྲེལ་བའི་གྲོས་གཞི་གལ་ཆེན་ལ་མ་ལག་རང་བཞིན་ལྡན་པའི་སྒོ་ནས་ཞིབ་བརྗོད་བྱེད་པའི་ཚན་རིག་ཞིག་ཡིན། སྲོག་མེད་ཞིང་ཁམས་ལ་འདེགས་སྐྱོར་ཀྱི་ནུས་པ་ལྡན་པའི་དངོས་ལུགས་དང་རྫས་འགྱུར་གྱི་གཏན་སྲོལ་ཡང་དེ་དང་དེ་བཞིན་དུ་སྲོག་ལྡན་ཞིང་ཁམས་སུ་་སྤྱད་ཆོག་ཅིང་། འཚོ་བའི་དངོས་པོར་གསོན་ཤུགས་ངོ་མཚར་ཅན་ཞིག་སྤྲོད་དགོས་དོན་མེད། ཚེ་སྲོག་ཚན་རིག་ལ་རྒྱུས་ལོན་གཏིང་ཟབ་ཞིག་བྱས་ན། དངོས་ལུགས་དང་རྫས་འགྱུར་ལ་སོགས་པའི་མིའི་རིགས་ཀྱི་རིག་གནས་ཁྱབ་ཁོངས་གཞན་གྱི་འཕེལ་རྒྱས་ལ་ཡང་སྐུལ་འདེད་ཡོང་བ་ནི་གདོན་མི་ཟ། དཔེར་ན། ཚེ་སྲོག་ཚན་རིག་ཁྲོད་དུ་དུས་རབས་རང་བཞིན་གྱི་དྲི་བ་ཁག་པོ་ཞིག་ཡོད་དེ། བློ་རིག་ནི་གང་ནས་བྱུང་བ་ཡིན་ཞེས་པ། ང་ཚོས་དབང་རྩའི་གཞི་རྐྱང་བས་ཇི་ལྟར་འགུལ་སྐྱོད་བྱེད་པ་གསལ་པོར་རྟོགས་ཡོད་ལ། འོན་ཀྱང་། དབང་རྩའི་གཞི་དུང་ཕྱུར་བརྒྱ་ཕྲག་ལྷག་ལས་གྲུབ་པའི་ཀླད་པ་འདིས་ཇི་ལྟར་བློ་རིག་འབྱུང་གིན་ཡོད་པར་གཏན་ནས་མི་ཤེས། མིའི་རིགས་ཀྱི་བློ་རིག་ལ་ཁ་གཏད་པའི་འགྲན་སློང་ཆེས་ཆེ་ཤོས་ནི། བློ་རིག་དེ་ཉིད་ལ་ཇི་ལྟར་འགྲེལ་བཤད་བྱ་རྒྱུ་དེ་རེད་ཅེས་བརྗོད་ཆོག དྲི་བ་འདི་རིམ་བཞིན་གཏིང་ཟབ་ཏུ་ཕྲལ་བ་དང་བསྟུན་ནས་མིའི་རིགས་ཀྱི་ཤེས་བྱའི་གྲུབ་ཚུལ་ཡང་འགྱུར་འགྲོ་སྲིད། ཚེ་སྲོག་ཚན་རིག་ལ་ཞིབ་འཇུག་འདི་དངོས་ལུགས་དང་རྫས་འགྱུར་ཤེས་བྱར་བརྟེན

ཁ་ཤས་ཀྱིས་ང་ཚོར་་བཤད་དོན་དེང་དུས་མིའི་རྙོག་དྲ་ནི་གང་ཐུབ་ཀྱིས་སོ་སོ་རང་བྱུང་ཁམས་དང་ཁ་འཕྲལ་གཏོང་བ་དེ་ཡིན་ཟེར་ དེ་ཡང་ཁོས་འདུས་སྦྱོར་རྫས་ཕུང་ཐོག་དང་ཤེལ་སྒོ་ ངར་ལྕགས་སོགས་ཀྱི་སྟེང་དུ་མཐོན་པོར་གནས་ཤིང་ རྐང་པ་གཉིས་ཕར་གཡོ་ཚུར་གཡོ་བྱེད་ལ། རྒྱུ་སྐར་འདིའི་སྟེང་འགྲེ་ལོག་ལྡེམ་ལྡེམ་བྱེད་པའི་ཚེ་སྲོག་ལ་རྒྱང་ལྟ་བྱེད་བཞིན་མདའ། དེ་ལྟར་མཚོན་པར་བྱས་ཚེ། མི་ནི་སྲོག་ཉེན་རང་བཞིན་གྱི་ནུས་ཤུགས་ཤིག་ཏུ་འགྱུར་ལ། སའི་གོ་ལ་དེ་ཡང་ཉམས་ཆུང་གི་དངོས་པོ་ག་གེ་མོ་ཞིག་ལྟར་ གྲོང་གསེབ་རྫིང་བུའི་ཆུ་ངོགས་སུ་ལྷང་ལྷང་དུ་འཕྱུར་བའི་ལྦུ་བ་དང་འདྲ་བའམ་ཡང་ན་གཉོམ་ཆུང་ནུས་ཞན་གྱི་བྱིའིུ་ཁྱུ་ཞིག་དང་ཀུན་ནས་མཚུངས།

སྐྱེ་དངོས་ཕྲ་རབ་ནི་ཀུན་ལ་གནས་ཤིང་ཐ་ན་འཇིག་རྟེན་འཕུར་གྲུའི་ནང་དུ་ཡང་གནས་སྲིད། ཕྲ་སྲིན་ཚོམ་བུ་དེ་བར་ཁམས་སུ་འཛུལ་རྗེས་དེའི་གྲུབ་ཚུལ་ལ་འགྱུར་བ་ཇི་ལྟ་བུ་ཞིག་འགྲོ་སམ། དེས་ན་བར་སྣང་ཁམས་ཀྱི་་ཕྲ་སྲིན་ལ་ཞིབ་འཇུག་བྱས་ན་ང་ཚོ་ལ་དོན་སྙིང་ཇི་འདྲ་ཞིག་ཡོད་དམ། གང་ལྟར་མིའི་རིག་གང་དུ་གནས་ཀྱང་དེར་ཕྲ་སྲིན་གྱིས་རྗེ་ཤུལ་ཡོད་པ་རྟོགས་ཐུབ་ལ་སྐབས་གཅིག་མིའི་རིག་བར་སྣང་ཁམས་སུ་གནས་ན་དུས་ཚོད་རིང་ཐུང་ལ་མི་ལྟོས་པར་ཕྲ་སྲིན་ཚང་མ་སྐྱེ་སྟོབས་ཀྱི་དཔལ་འབར་ནས་དཔྱིད་ཀྱི་དཔལ་ ཡོན་བཞད་པ་ཇི་བཞིན་སྐྱེས་འཚར་ཡོང་གི་ཡོད། དེར་བརྟེན་ང་ཚོས་དགའ་ཚོར་ཆེན་པོས་མཐོང་གསལ་ཞིབ་འཇུག་རིག་པའི་མི་སྣ་ཚོས་སྔ་ས་ནས་ཕྲ་སྲིན་ཆུན་པོ་ཚོས་ཇི་ལྟར་བྱས་ནས་འཇིག་རྟེན་འཕུར་གྲུའི་ཁོར་ཡུག་ལ་ཤུགས་རྐྱེན་གཏོང་མིན་ཐད་ཞིབ་འཇུག་བྱེད་པ་མཐོང་ཐུབ་ལ།

དྲི་བ་འདིར་ད་ལྟ་ད་དུང་འདི་འདྲ་རེད་ཅེས་ཁ་ཚོན་གཅོད་མི་ཐུབ་ཏེ། རྒྱུ་མཚན་ནི་ཚེ་སྲོག་འཛུགས་སྐབས་སུ་མཐའ་འཁོར་དུ་མི་མེད་པ་དང་། དཔང་མི་ཞིག་ཀྱང་མེད་པས་ཕྱིར། འོན་ཀྱང་། ང་ཚོས་དྲི་བ་འདིར་ད་དུང་གཏན་ཚིགས་ཀྱིས་དབྱེ་ཞིབ་འདྲ་བྱས་ཆོག དེ་ཡང་གནམ་དཔྱད་རིག་བས་འཇིག་རྟེན་གྱི་སྤྱིའི་གྲུབ་ཚུལ་ལ་བརྡར་ཤ་རེ་འགའ་བཅད་ཟིན་པ་ལྟར། དཔེར་ན། ཁོང་ཚོས་འཇིག་རྟེན་ཁམས་འདིར་ཧ་ལམ་བརྒྱ་ཆ་དགུ་ཅུ་ཙམ་གྱི་ཆིང་དང་བརྒྱ་ཆ་དགུ་ཙམ་གྱི་ཧེལ་ཡོད་ལ། དེའི་འཕྲོས་ཀྱི་བརྒྱ་ཆ་གཅིག་ནི་གཙོ་བོར་དབྱང་དང་ཏན། ནེན། ཨར། ཐཱན། མུ་སི། སཱེལ། ལྕགས་བཅས་ལས་གྲུབ་པ་ཤེས་རྟོགས་བྱུང་ཡོད།