ཨིན་ཇིའི་ཚན་རིག་པས་ནད་པར“རན་པའི”དབང་པོ་བཟོས།
ཡིག་སྒྱུར།: 
སྤེལ་དུས།: 
2014-04-24 10

ལྟ་གྲངས།

251
ཨིན་ཇིའི《ཉིན་རེའི་སྦྲག་དེབ》ཀྱིས་ཟླ4པའི་ཚེས8ཉིན་བསྒྲགས་པ་ལྟར་ན། ཨིན་ཇིའི་ལོན་ཊོན་གྱི་གོང་མའི་རང་དབང་སྨན་ཁང(London's Royal Free hospital)གིས་དུས་རབས་ཀྱི་དོན་སྙིང་ཡོད་པའི་ཉམས་ཞིབ་ཅིག་བྱེད་སྒང་ཡིན་ཏེ། ཁོ་ཚོས་མི་ལུས་པོའི་ཕྲ་ཕུང་སྐམ་པོ་སྤྱད་ནས་ལུས་ཀྱི་ཡན་ལག་བཟོ་བཞིན་ཡོད་ཅིང་། ད་སྔའི་བར་སྣ་དང་རྣ་བ། གློ་ཡུ། ཁྲག་རྩ་བཅས་དབང་པོ་བཟོས་ཚར་འདུག
   ཤེས་གསལ་ལྟར་ན་ལོན་ཊོན་གོང་མའི་རང་དབང་སྨན་ཁང་ནི་འཛམ་གླིང་གི་ལུས་ཀྱི་དབང་པོ“བཟོ”བའི་སྡེ་ཚན་ཉུང་ངུའི་གྲས་ཀྱི་གཅིག་ཡིན་པ་དང་། ཚན་རིག་པས་ཕྲ་ཕུང་སྐམ་པོ་སྤྱད་དེ་ནད་པར་རན་པའི་དབང་པོ་ཡན་ལག་དག་བློ་སྤོབས་ཆེན་པོས་བཟོ་ཡི་ཡོད་འདུག ད་སྔའི་བར་དུ་ནད་པ་ཉུང་ཤས་ཤིག་གིས་སྨན་ཁང་གི་ཚོད་ལྟ་ཁང་གིས་བཟོས་པའི་དབང་པོ་སྟེ་མིག་རྩ་དང་ཁྲག་རྩ། དབུགས་ལམ་བཅས་དང་ལེན་བྱས། ད་ཆར་ཞིབ་འཇུག་པས་འཛམ་གླིང་གི་ཕྲ་ཕུང་གི་སྐམ་པོ་ལས་བཟོས་པའི་སྣ་དང་པོ་དེ་བརྗེ་འཛུགས་འགྲུབ་ཟིན། ཞིབ་འཇུག་པས་ཆ་ཤས་ཤིག་ཕྲ་ཕུང་སྐམ་པོ་གྲུབ་པའི་སྣ་བ་བཟོས་ཚར་ཞིང་། གལ་སྲིད་བརྗེ་འཛུགས་འགྲུབ་ན་འཛམ་གླིང་གི་མགོ་མར་འགྱུར་ངེས། ཡིན་ཡང་ཁོ་ཚོ་ད་དུང་ཡིད་མི་ཚིམས་པར་ནད་པར་དབང་པོ་ཡན་ལག་སྣ་ཚོགས་བཟོ་ཐུབ་པའི་རེ་བ་བྱེད་ཀྱི་འདུག
  ལོན་ཊོན་མཐོ་སློབ་ཀྱི་འབུམ་རམས་པAlexander Seifalianནི་ཞིབ་འཇུག་ཚོགས་པ་འདིའི་ནང་གི་གཅིག་ཡིན་ཏེ། ཁོང་གི་སྐུ་རྩེད་གནང་ཞོར་ན་རེ། “དབང་པོ་བཟོ་བ་དེ་སྤྲི་གོར་བཟོ་བ་འདྲ་པོ་རེད། ང་ཚོས་སྲེག་སྒམ་མི་འདྲ་བ་སྤྱད་པ་ཙམ་རེད” ན་ནིང་ཁོང་དང་ཁོང་གི་ཚོགས་པས་གཟའ་འཁོར་གཉིས་སྤྱད་དེ་ཨིན་ཇིའི་ནད་པ་ཞིག་ལ་སྣ་ཞིག་བཟོས་པ་རེད། ད་ལྟ་ལྟ་ཞིབ་སྡེ་ཁག་གིས་ཆོག་མཆན་ལ་སྒུག་གིན་ཡོད་ཅིང་། དེ་འབྱོར་མ་ཐག་སྣ་ནད་པའི་ལུས་སྟེང་དུ་སྤོར་ཆོག་པར་འདུག དེར་མ་ཟད། དགེ་རྒན་ཆེན་མོAlexander གྱིས་ཁོའི་ཞིབ་འཇུག་གི་གྲུབ་འབྲས་ལ་ཆེད་ཁེ་ཡར་ཞུ་བྱས་པ་དང་། ད་ལོའི་ལོ་སྨད་དུ་ལོན་ཊོན་དང་རྒྱ་གར་ནས་འགྲེམ་རྩིས་འདུག  Alexanderགྱིས་ཚོད་དཔག་བྱས་པ་ལྟར་ན། 2005ལོ་ནས་བཟུང་ཁོའི་ཚོད་ལྟ་ལ་ཨིན་སྒོར་ཁྲི1000(ཀྲུང་སྒོར་ཁྲི10373)བཏང་བ་དང་། ཉིན་ཞིག་མི་རྣམས་ཀྱིས་དབང་པོ་འདི་དག་རྒྱ་ཁྱབ་ཏུ་བཟོས་ཏེ། ནད་པ་རྣམས་ཀྱིས་ཨིན་སྒོར་བརྒྱ་ཕྲག་ཁ་ཤས་ཀྱིས་དབང་པོ་བརྗེ་འཛུགས་ཐུབ་པའི་རེ་བ་ཆེ་ཟེར།

དཔྱད་གཏམ་འཇོག་པ།

Log in or register to post comments

none

London ལོ་ཌོན་ཞེས་པར་ཁྱེད་རྣམ་པས་ལོན་ཊོན་ཞེས་བསྒྱུར་བ་ནི་སྒྲ་གདངས་གཏན་ནས་མ་དག་སྟེ་donའདི་ལ་ཊོན་གྱི་སྒྲ་མི་འདོན་ལ་འུ་ཚོ་བོད་སྐད་ནང་དུ་ཌོན་ཞེས་སྒྲ་ཡད་བཞིན་ཊོན་འབྲི་དགོས་དོན་མེད།